Araba

Ruiz de Pinedok EH Bilduren bozka aldarrikatu du “gaur egun Araban ezkerreko boto baliagrria” delako

Kongresura euskal agenda ez ezik, arabar agenda ere eraman duen indar politikoa bakarra izan dela EH Bildu gogoratu du

| 2019-04-23 13:40:00

Madrilgo Kongresurako Arabako EH Bilduren hautagaiak EH Bildurako boza aldarrikatu du gaur “une honetan Araban ezkerreko boto erabilgarria delako”. Gaur eguerdian Radio Vitoria irratian izandako eztabaidan izan da eta bertan Arabako bost zerrendaburu izan dira. “EH Bildurako bozak balio hirukoitza du. Un honetan Arabatik laugarren diputatua jokoan dago. PSOEk, Podemos-ek eta EAJk bermatuta dute eta laugarrena PP eta EH Bilduren artean jokoan dago. EH Bilduk Arabatik lortzen badu diputatua hiru indar erreakzionarioak ordezkaritzarik gabe utzi ditzakegu. Hortaz, EH Bildu da une honetan Araban ezkerreko boto erabilgarria. Erronka garrantzitsu bat dugu eta guztion artean lortuko dugu”, azaldu du Iñaki Ruiz de Pinedok bere azken hitzartzean.

 

Horrez gain, EH Bilduko hautagaiak gogoratu du “eskuinak eraman nahi gaituen inboluzioaren aurrean, EH Bildu espainiar ultraeskuindarraren aurkako txertoa da. 2015ean Arabako eta Gasteizko instituzioetatik atera genuen, egin dugu eta beti egingo dugu”.

 

Era berean, Kongresura euskal agenda ez ezik, arabar agenda ere eraman duen indar politikoa bakarra izan dela EH Bildu gogoratu du. Gai horien artean, Trebiñu, Garoña, Martxoak 3, Nerbioiko araztegiak, Arabako trenbideak edo Foronda aipatu ditu.

 

Arabako Lautadan trenbidea modernizatu eta tren soziala abian jarri nahi du EH Bilduk

Iñaki Ruiz de Pinedo: “AHT baztertzen dugu dirua xahutuko delako, Arabako Lautadan ez duelako onurarik ekarriko eta ingurumenean inpaktu larriak izango dituelako”

| 2019-04-22 13:37:00

EH Bilduk Gasteiz eta Iruñea batzen dituen tren korridorearen modernizazioa defendatu du ekonomikoki bideragarria eta herrietako jendeari zerbitzua emango dion tren soziala ezartzeko. Horrela defendatu du Arabako Madrilgo Kongresurako zerrendaburua Iñaki Ruiz de Pinedok Agurainen, Saiurtegi festan. “Herriak, eskualdeak, hiriak eta industria poligonoak batuko dituen tren bat nahi dugu, pertsonentzako zein garraiorako. Trenen maiztasuna handitu nahi dugu eta egungo azpiegitura modernizatu nahi dugu. Horregatik, hirugarren haria ezarri nahi dugu Europako zabalerako trenak eta kapazitate handikoak ibili ahal izateko” zehaztu du Ruiz de Pinedok.

 

Arabatik EH Bilduko hautagaiak iragarri du Madrilen Araban proiektatu diren abiadura handiko proiektuak baztertuko dituela: Arabako Lautadan, Arabako Haranetan eta Arabar Errioxan. “AHTren aurka gaude  diru publikoa xahutuko delako, Arabako Lautadan ez duelako onurarik ekarriko eta ingurumenean inpaktu larriak izango dituelako”, gaineratu du.

 

Zentzu horretan, gogoratu du gero eta ahots gehiago azaldu direla proiektu horien aurka. Izan ere, duela gutxi Europako Garraio Batzordeak baieztatu du Espainiako Estatuan, abiadura handia ez dela bateragarria merkantzia garraioarekin. Era berean, Europako Kontuen Auzitegiak dio AHTren linea berriak gainkostu eta atzerapen larriak jasaten ari direla, eta ondorioztatzen du, hobe dela egungo linea eguneratzea.

 

 

 

ALBISTEAK

Zumarraundi bidea konpontzeko lan mahaia dei dezan eskatu dio EH Bilduk Arabako Foru Aldundiari

2019-09-18 10:50:00

Urtarrilaren 30etik bidea itxita dago bere egoera txarra dela eta

Errioxako Kontseilu Erregulatzailaren esku dagoen Arabar Errioxako marka berreskuratu dezaten eskatu die EH Bilduk Arabako Foru Aldundiari eta Eusko Jaurlaritzari

2019-09-13 11:07:00

Duela 20 urte, Estatuan erabiltzeko Errioxako Kontseilu Erregulatzaileak Arabar Errioxako marka erroldatu zuen ardogintza eta elikagaiei lotutako produktuak merkaturatzeko eta orain Europara zabaldu du marka horren jabetza

Indarkeria matxistari lotutako terminologia zaharkituta ezabatzea eskatu dio EH Bilduk Arabako Foru Aldundiari

2019-09-11 10:32:00

Pasa den abuztuan Gobernu Kontseiluak “etxe barruko tratu txarrak” jasotzen zuen dekretu bat onartu zuen

Gaur premiaz onartu diren zerga aldaketen aurka azaldu da EH Bildu

2019-09-06 10:29:00

Ceuta eta Melilla jokoari dagokionez zerga paradisu bihurtzea babestuko du Arabak aldaketa horrekin