Araba

Donemiliagak aho batez eskatu dio Arabako Foru Aldundiari neurri ausartak har ditzala toki-erakundeen finantzazioa bermatzeko

EH Bilduk eta EAJk mozioa babestu dute gaurko osoko bilkuran eta, besteak beste, defizita eta zorra malgutzea eta gerakina erabiltzea eskatu diete Arabako Foru Aldundiari eta Espainiako Gobernuari.

| 2020-05-13 17:16:00

Donemiliagako Udalak aho batez onartu du Arabako Foru Aldundia toki-erakundeen finantzazioa bermatzeko ezohiko neurriak har ditzan. Horrela dago jasota gaur goizean egindako osoko bilkuran EAJk eta EH Bilduk adostutako testuan. Izan ere, toki-erakundeekin Toki Erakundeak Finantzatzeko Funtsaren (FOFEL) beherakada larria arintzeko konponbideak adosteko beharra defendatu dute, %20tik gorakoa izango dela aurreikusten delako. Erika Letamendi Donemiliagako alkateak azaldu duenez, "tokiko erakundeekin irtenbide ezberdinak planteatzea eta adostea nahi dugu, ondoren, erakunde bakoitzak bere egoeraren arabera formularik egokiena aukeratu ahal izateko, beti ere inposiziorik gabe eta iraganeko akatsik errepikatu gabe".

Horrez gain, testuak planteatzen du Arabako Foru Aldundiak eta Estatuko Gobernuak aukera eman behar diela toki-erakundeei duten soberakina mugarik gabe erabiltzeko, COVID 19ren ondorioei aurre egin ahal izan diezaieten. Horretarako, Aurrekontu Egonkortasunari buruzko legea aldatu beharko litzateke. Gainera, EH Bilduk eta EAJk eskatu dute Estatuko Gobernuak egonkortasun, zor eta gastu helburuak malgutzea, krisiari aurre egiteko baliabide gehiago izateko. "Ez du inolako logikarik ezohiko egoera honetan diru kantitate horiek sortuko diren beharrei erantzuteko ez erabiltzea, egonkortasunaren izenean, orain arte egin den bezala", azpimarratu du Letamendik.

Gainera, diru-sarrerak izugarri jaitsi direla ikusita, gaur onartutako mozioak zerga politikan aldaketak egitea ere aipatzen du. Ildo horretan, euroguneko presio fiskalera hurbiltzea proposatzen da, finantza-nahikotasuna bermatzeko eta, batez ere, Aberastasun Handien gaineko Zerga ezartzea planteatzen da. Horrela, mozioak Foru Gobernuari eskatzen dio lau hilabetetan erreforma fiskal bidezkoa eta progresiboa aurkezteko, diru-sarrerek espero duten beherakada arintzeko.

 

Azkenik, 2020ko aurrekontuak aztertu eta bizi dugun egoera berrira egokitzeko egin beharreko aldaketak egiteko konpromisoa hartu dute.  EH Bildu Arabak, herrialdeko gainontzeko herrietan, horrelako adostasuna lortzea espero du, toki erakundeak ezin direlako galtzaile atera diru bilketaren beherakadaren ostean. 

 

Zalduondok autobus geltokia estreinatu du

| 2020-05-10 13:47:00

Zalduondok amaitu ditu dagoeneko herrian autobus geltoki bat egiteko lanak. Inbertsioa 35.000 eurokoa izan da, eta geltoki horretan, autobusentzako baztergune bat egoteaz gain, markesina bat ere jarri da garraio publikoaren erabiltzaileak babesteko. "Azkenean, garraio publikoa erabiltzen duten gure herritarrek modu erosoan egin dezakete eta babestuta eguraldi txarra dagoenean”, esan du Gustavo Fernandez Villate Zalduondoko alkateak.

 

Geltokia beraren kokapena Arabako Foru Aldundiko Errepide Zerbitzuarekin adostu da. Hirigunean puntu irisgarri bat bilatu da, oinezkoentzako zein ibilgailuentzako segurtasun-baldintzak betetzen dituena. Autobusa bazterbidean gelditzen da Agurain-Araia norabidean zirkulatzen ari denean, eta errepidearen beste aldean kontrako norabidean zirkulatzen ari denean.

 

Zalduondoko Udalak lanak aprobetxatu ditu telekomunikazio zutoin bat kentzeko, kableak lurperatzeko eta eremu horretan zaborra biltzeko gune bat egokitzeko. Seinaleztapen bertikala eta horizontala ere egin dira.

 

 

ALBISTEAK

EH Bildu-k Foru Aldundiari eskatu dio malgutu ditzala FOFELen murrizketaren ondorioz, diru-bilketaren beherakadak eragindako soberako kobrantzak itzultzeko toki-erakundeei ezarritako baldintzak

2020-07-07 09:16:00

Javier Argote: "Ramiro Gonzalezen gobernuak toki-erakundeei atzeratzeko eta zatikatzeko formulak ahalbidetu behar dizkie, FOFEL bidez kobratzen duten dirua itzultzeko, krisitik ateratzeko baliabideak hobeto kudeatu ahal izateko"

Mikel Otero: "Aldaketa ezkerretik etorri behar da, jasangarritasunean eta justizia sozialean oinarrituta, eta hori bermatzen duen indar bakarra EH Bildu da"

2020-07-04 12:00:00

EH Bilduk konpromisoa agertu du kalitatezko enpleguarekin, gure adinekoentzako pentsio duinaren alde, gure zerbitzu publikoak berreskuratu eta prestigiatzeko, eta larrialdi klimatikoaren erronkari erantzun bat emateko.

EH Bilduk egoitza publiko eta txikien eredua eta langileen lan baldintza duinak aldarrikatu ditu

2020-07-03 10:51:00

Mikel Otero: "Etorkizun hobe bati ateak irekitzeko, faxismoa behin betiko baztertzeko, XXI. mendeko erronka handiei aurre egiteko, ingurumen politika eraldatzailea garatzeko, ezkerreko botoa, boto ekologista, boto feminista, langileen botoa, boto eraldatzailea EH Bildun batu behar da"

Mikel Otero: “Uztailaren 12an boto jasangarri eraginkor bakarra EH Bildurena da”

2020-07-02 10:56:00

EH Bilduko Arabako zerrendaburuak gaur arratsaldean Salburuan aldarrikatuko du EH Bildu dela ezkerreko alternatiba sinesgarri baten buru izateko gai den indar bakarra, pertsonak politiken erdigunean jartzeko proposamen zehatzak dituena.