Araba

EH Bilduk Ramiro Gonzalezen agerraldia eskatu du bere sailak berdintasunaren arloan Covid19-aren krisian hartutako neurriak azal ditzan

June Mugica: "Jada ahulak diren kolektiboetako emakumeek, kasu askotan, euren bizi-baldintzak prekarietatearen mugara nola iristen diren ikusi dute. Zentzu honetan, ez dugu ia erakundeen informaziorik, eta hori kezkagarria da, eta egoera honetan, onartezina da indarkeria matxistaren kasuei buruzko datuak ez jakitea"

| 2020-04-18 09:35:00

EH Bildu-k Ramiro Gonzalez Ahaldun Nagusiaren agerraldia eskatu du, bere sailak Covid19-aren krisi sozio-sanitarioan zehar berdintasunaren arloan hartu dituen neurriak azaltzeko.

 

EH Bildu-k azpimarratu duenez, oso sektore ahul baten aurrean gaude, eta egoera horretan babesgabetasun egoera larriagotu daiteke, Txinan gertatu den bezala. Izan ere, bertan, kasuak esponentzialki areagotu ziren konfinamenduarekin.

 

June Mugica batzarkideak onartu du zaila izango dela kasu horiek antzematea eta emakumeek salaketa jarri ahal izatea: euren etxeetan identifikatutako kasuak kontrolatuta daude, deien bidez, baina baliteke nahikoa ez izatea. Gainera, harrera etxeak beteta jarraitzen duela gogorarazi du Mugicak.

 

EH Bildu-ren arabera, salbuespenezko egoera horrek erakusten du "babesik eza eta ahultasun soziala diskurtso instituzionaletatik eta krisiari aurre egiteko iragarritako neurri handietatik kanpo" geratzen ari direla.

 

Zentzu horretan, EH Bildu-ren batzarkideak deitoratu duenez, "ia erakundeen informaziorik ez izatea oso kezkagarria da, eta egoera honetan, onartezina da indarkeria matxistaren kasuei buruzko datuak ez jakitea".

 

"Aldi berean, haserre gaude erretorika belizista eta patriarkalarekin, protagonismo hipermaskulinizatuarekin eta neurri-proposameneki. Horiek, beste behin ere, bizkarra ematen diete krisi hau jasaten ari diren emakume gehienei, baita jada ahulak diren kolektiboetako emakumeei ere, kasu askotan, beren bizi-baldintzak prekarietatearen mugara nola iristen diren ikusi baitute", ondorioztatu du Mugicak.

 

Egoitza publiko eta pribatuetan hildako pertsonei buruzko datuak zehazteko eskatu dio EH Bildu-k Arabako Foru Aldundiari

Claudia Venceslao: "Informazioan opakotasunak herritarren eta eragile politiko eta sozial ezberdinen kezka baino ez du bultzatzen. Erantzukizunez, herritarrei helarazten zaien informazioan egiazkotasuna eta gardentasuna eskatzen dugu"

| 2020-04-17 08:45:00

EH Bildu-k Arabako Foru Aldundiari eskatu dio zehaztu ditzala egoitza publikoetan eta pribatuetan hildako pertsonei buruzko datuak, apirilaren hasieran egiten zuen bezala.

Apirilaren 6ra arte, ia asteko egun guztietan Diputazioak ohar bat helarazten zuen egoitzetan hildako pertsonen kopurua zehaztuz eta publiko eta pribatuen artean bereiziz. Duela 10 egun baino gehiago, ordea, informazio hori ezkutatzen hasi da.

EH Bildu kezkatuta agertu da Foru Aldundia egun batetik bestera egoitza-zentro publiko eta pribatuetako heriotzen datuak ematetik pasatu delako eta hurrengo egunean banakatze hori erraztu ez duelako. Gaur egun, EH Bildu-k ez daki Aldundiak hori egiten duen egoitza-zentro pribatuetan kontrol falta dagoelako edo zentro horietako heriotzen datuek egoitza horietan bizi den "errealitate gordina" islatzen dutelako.

"Argi dago legegintzaldiaren ondoren egin den egoitza zentroen ereduaren ondorioz eta osasun krisi honekin, zentro horiek, haien adinekoak eta bertako langileak izan direla kaltetu handienak", adierazi du Claudia Venceslao batzarkideak. Gaineratu duenez, "zentro horietako heriotzak handiagoak dira egoitza publikoetan baino, eta bertako langileek, babeserako baliabiderik ez dutenez, COVID-19k kutsatzeko arrisku handiagoa izan dute".

Duela zenbait aste, EH Bildu-k hainbat informazio-eskaera egin zituen egoitza-zentro publiko eta pribatuetan artatutako pertsonen eta langileen benetako egoerari buruz, baina Arabako Foru Aldundiak apenas eman dizkie datu horiek. "Gure ustez, alarma sozio-sanitario horrek lan-karga bikoiztu du Gizarte Politiken Sailean, baina Arabako gizarteak gure lurraldeko egoitzetan bizi den egoeraren berri izan behar du", adierazi du Venceslaok.

Hori dela eta, datu horiek egunero emateko eskatu dio EH Bildu-k Foru Aldundiari. "Informazioan opakotasunak herritarren eta eragile politiko eta sozial ezberdinen kezka baino ez du bultzatzen. Erantzukizunez, herritarrei helarazten zaien informazioan egiazkotasuna eta gardentasuna eskatzen dugu", gaineratu du Venceslaok.

ALBISTEAK

Toki erakundeen finantzazioan inposatu nahi duten %25eko murrizketa zorrotza arintzeko formula bat proposatuko dio EH Bildu Arabak Foru Gobernuari

2020-05-25 11:47:00

Arabako Finantza eta Toki Administrazio Lurraldeko Kontseiluan planteatuko du salbuespen gisa beherakada hori datozen urteotan banatu ahal izateko aukera, beti ere modu adostuan eta borondatez

Eudelek diru bilketaren beherakadak toki ogasunetan izango dituen ondorioak arintzeko formulei buruz eztabaidatzeari uko egin dio

2020-05-22 09:39:00

Gehienek ontzat jo dute, Arabako Foru Aldundiak Toki Erakundeen finantzazioa ia %25a murrizteko egindako planteamendua, baina EH Bilduren ustez egon badaude beste aukerak

Añanako nekazaritzako ibilgailuei IAT pasatzea erraztea eskatu du EH Bilduk

2020-05-21 11:00:00

Alde bakarretik, oraingo honetan egun, ordu eta leku bakarra eskaini da nekazaritzako ibilgailu guztiak ikuskatzeko.

EH Bildu-k Aldundiari exijitu dio atzeraeraginezko izaerarekin ordain diezaiela Familia Inguruneko Zaintzarako Prestazio Ekonomikoa eguneko zentroen itxierak kaltetutako pertsonei

2020-05-21 07:53:00

Claudia Venceslao: "Aldundia Gizarte Ongizaterako Foru Erakundeko gizarte-langileekin koordinatu behar da. Modu honetan, pertsona kaltetuak Etxeko Laguntza Zerbitzuan sartzen laguntzea baliatuko litzateke"