Araba

Zalduondok hobariak ezarriko dizkio kotxe elektrikoei eta konpostari

| 2019-11-25 10:10:00

Zalduondoko Udalak hurrengo urterako ordenantza fiskalak onartu ditu eta berrikuntzen artean ingurumen-pizgarriak daude. Hobari horiek gutxien kutsatzen duten kotxeei eta zaborreko materia organikoarekin konpost egiten duten etxebizitzei mesede egingo diete.

2020 urtetik aurrera kotxe elektrikoek pizgarriak izango dituzte, batetik energia elektrikoarekin batera metodo hibridoak erabiltzen dituztenak eta, bestetik, kilometroko karbono dioxidoa 120 gramo baino gutxiago igortzen dituztenak. Horiek guztiek Ibilgailuen gaineko Zergan tasaren %20tik %40rako hobaria izango dute.

Era berean, zabor tasaren aldaketari esker, konpost egiten duten etxeetan murrizketa bat izango da. Horren helburua ingurumena zainduko duen hondakinen tratamendu egokia bultzatzea da, baita hondakinen garraio eta gordailuaren kudeaketan gastuak murriztea ere.

Udal langileek edota Udalak baimentzen dutenek etxez etxe ikuskatze bisita bat egingo dute eta hobaria ezartzeko aldeko txostena sinatuko dute beti ere hondakinen bilketa selektiboa egiten bada (papera, beira, ontziak eta sukaldeko olioa) eta etxean bertan edo komunitatean konposta egiten bada.

Zalduondoko alkatea Gustavo Fernandez Villatek azaldu duenez, “herri txikietan ere ingurumena zaintzeko eta aldaketa klimatikoaren aurkako borrokan gure ekarpena egin dezakegu eta egin behar dugu”.

Ez da ordea, Zalduondon bide horretan hartutako neurri bakarra. Azken lau urteotan argiteria publikoa aldatu da LEDen ordez, eremu publikoan eguzki kale argiak jarri dira, biomasa ipini da Korta lokal publikoan eta belar-hiltzaileak debekatu dira eremu publikoan. Neurri horiek EVEren aitortza publikoa jaso zuten efizientzia energetikoa eta energia berriztagarriak bultzatzeko Zalduondok duen konpromisoagatik.

Gaur egun, Zalduondoko udalerria, Lautadako beste udalerriekin batera, Energia Jarduketa Plana egiten ari da. Bertan jasoko da, besteak beste, eraikin eta ekipamenduen inbentario energetikoa, parke mugikorra, argiteria publikoa, kontsumoen gaineko kontrola eta langileen formakuntza.

 

 

Batzar Nagusiek, EH Bildu-ren ekimenez, inplikatutako erakundeei Lantaronerako Erredizio Planean jasotako neurrien betearazpena osatzeko egutegi bat adostu dezatela eskatu dute

| 2019-11-20 13:16:00

Lantarongo isurketa kutsakorren afera Batzar Nagusietara eraman ditu berriz ere EH Bildu-k. Kike Fernandez de Pinedok gogorarazi duenez, 2011n isurketa kutsatzaile bat gertatu zen enpresa kimikoaren kolektore batean, eta horrek eragina izan zuen kuaternarioko akuifero alubialaren lurpeko uretan, bai eta Lantarongo Zubillaga industrialdean dagoen enpresa kimiko horri atxikitako 80 hektarea nekazaritza-finketan ere. Ondoren, Ebroko Konfederazio Hidrografikoak eta Uraren Euskal Agentziak isuriaren jatorria egiaztatzen zuten txostenak egin zituzten, eta aipatutako akuiferoan benzotiazolona, anailina eta toluenoa bezalako substantziak hauteman zituzten, N-S norabidean, Zubillagako industrialdetik Cabrianako presaren azpiko uretaraino.

8 urteren ondoren, arazoak bere horretan dirau, eta horrek kalte egiten die akuiferoaren lurpeko uren egoera ekologikoari eta kaltetutako eremuko nekazaritza eta laborantza lurrei. Aurrekoaz gain, zenbait ureztatze-lanek atzerapenak eta gainkostuak izan dituzte, arazoa konpondu gabe zegoelako.

Hori dela eta, EH Bildu-k mozio bat aurkeztu du Batzar Nagusietan, Aldundiari eskatzeko Eusko Jaurlaritzarekin batera lan-mahai bat martxan jar dezala jabeekin eta nekazariekin, UAGArekin, AFAko Nekazaritza eta Ingurumen sailekin eta Eusko Jaurlaritzako URArekin, Lantarongo isurketa kutsagarriek sortutako arazoari behin betiko irtenbidea emateko.

Azkenik, erdibideko zuzenketa baten ondoren, talde politiko guztiek adostu dute Batzar Nagusiek lurren jabeei, nekazariei, GEQUISA enpresari eta Ebroko Ur Konfederazioari eskatzea bildu daitezela eta bila dezatela ahalik eta adostasun handiena hiru punturen inguruan:

  • Ahalik eta egutegi laburrena, Erreedizio Planean jasotako neurrien betearazpena osatzeko.
  • Lurpeko uren eta lurzoruaren egoera zehazten duen azterlan eguneratua egitea.
  • Lurpeko uren eta lurzoruaren egoera zehazten duen azterlan eguneratua egitea.

Tokiko erakundeentzako larrialdietarako laguntzak, umezurtz

Bestalde, Foru Gobernuak Tokiko Erakundeentzako Larrialdietarako laguntzen deialdia Foru Arau bidez arautzeari uko egin diola ikusita, EH Bildu Batzarkide Taldeak mozio bat aurkeztu du. Bertan, Arabako Batzar Nagusiek "gardentasunaren, eraginkortasunaren eta irizpideen objektibotasunaren alde egin zezatela lurraldeko toki-erakundeei laguntzak emateko deialdiak arautzean" eskatzen zen.

Javier Argote EH Bildu-ko batzarkideak bere hitzaldian salatu duenez aurkeztutako aurrekontuetan, zehazki lurralde orekaren sailean, "ez dugu ikusten laguntza hauetarako aurrekontu partidarik dagoenik".

Talde guztiekin erdibideko zuzenketa egiten saiatu arren, EAJ-k eta PSE-k ez dute babestu nahi izan EH Bildu-k, Elkarrekin Podemos-ek eta PP-k onartu duten mozioa.

ALBISTEAK

Arabako Teknologia Parkeko zuzendaritzak herrialdeko erakundeei De Miguel auziaren ondorioei buruzko azalpenak ukatu dizkiela salatu du EH Bilduk

2020-01-24 11:29:00

Arabako Batzar Nagusietan eta Gasteizko Udalean agerraldia egiteari uko egin diote eta EH Bilduk euren agerraldia eskatu du Eusko Legebiltzarrean

Barrundiak eskola txikiko ateak zabalduko ditu irailean

2020-01-16 12:31:00

Haur eta Lehen Hezkuntzako bi gela izango ditu eta jantokia zein garraioa eskainiko du

EH Bildu-k CIAM San Prudentzio eraberritzeko proiektuari berriz ekiteko eskatu dio Aldundiari, plaza publiko berriak sortzea ahalbidetzeko

2020-01-14 09:32:00

Claudia Venceslao: "Egoitza-plaza publikorik sortu gabe pairatzen dugun hirugarren legealdia izan daiteke"