Araba

Eudelek diru bilketaren beherakadak toki ogasunetan izango dituen ondorioak arintzeko formulei buruz eztabaidatzeari uko egin dio

Gehienek ontzat jo dute, Arabako Foru Aldundiak Toki Erakundeen finantzazioa ia %25a murrizteko egindako planteamendua, baina EH Bilduren ustez egon badaude beste aukerak

| 2020-05-22 09:39:00

EH Bilduk Eudelen Arabako Lurralde Batzordearen ezohiko bilera eskatu zuen astelehenean, zerga bilketak tokiko ogasunetan izango dituen ondorioak aztertzeko. Atzo, batzordeak ohiko bilera egin zuen eta EH Bilduk argi ikusi zuen gehienek ontzat jo dutela, Arabako Foru Aldundiak Toki Erakundeen finantzazioa ia %25a murrizteko egindako planteamendua, Toki Erakundeak Finantzatzeko Funtsaren (FOFEL) urteko azken ordainketa kenduta. Egoera horren aurrean, EH Bilduk deitoratu egin du Eudelek zerga-bilketaren beherakada bortitzaren ondorioak arintzeko formulei buruz eztabaidatzea.

Txelo Auzmendik, Asparrenako alkateak eta EH Bilduk batzorde horretan duen ordezkariak, azpimarratu du “Udaletatik hausnarketa bateratu bat egiteko beharra udal interesaren eta autonomia lokalaren defendatuz, datorkigun kolpea ahalik eta gehien arintzen lagunduko diguten irtenbideak proposatzeko". Izan ere, dagoeneko, EH Bilduk hainbat aukera planteatu ditu. Aipatutako formulen artean, Foru Aldundiari eskatzea, toki-erakundeekin adostuta, 2020ko bigarren seihilekoari dagozkion ordainketetan FOFEL 2020ren zati bat atxiki dezala. Era berean, proposatu du Aldundiari eskatzea, baita toki-erakundeekin adostutaere, konponbideren bat aplika dezala 2021ean eta ondorengo urteetan Toki Erakundeetan FOFELen erorketak ekarriko duen kolpea ahalik eta gehien arintzeko. EH Bilduren iritziz, ondoren, gai horiek guztiak Arabako Toki Administrazio eta Finantzetako Lurralde Kontseiluan (CETALFA) aztertu behar dira. EH Bilduko ordezkariak gogorarazi duenez, "ezin da konponbiderik inposatu, ezta iraganeko akatsak errepikatu ere, eta, beraz, bide egokiena izango da tokiko erakundeekin euren finantza egoeraren araberako irtenbideak adostea".

 

 

 

Añanako nekazaritzako ibilgailuei IAT pasatzea erraztea eskatu du EH Bilduk

Alde bakarretik, oraingo honetan egun, ordu eta leku bakarra eskaini da nekazaritzako ibilgailu guztiak ikuskatzeko.

| 2020-05-21 11:00:00

. Añanako herritarrei nekazaritzako ibilgailuen IAT pasatzea erraztea eskatu du EH Bilduk. Aurreko urteetan ez bezala –noiz egun, leku eta ordutegi desberdinak eskaintzen ziren nahitaezko izapide hori egiteko-; aurten, Jundizko IATk hitzordu bakarra eskaini du. Horixe gertatu da Kuartango inguruan eta atzo maiatzaren 20an, 09:00etan, Subijanara joan behar zuten. Beste horrenbeste gertatu da gaur Pobesera joan behar zuten Erribera Goitiako hainbat herriko nezakariekin.

Nekazarien kexen eta alarma-egoeraren ondorioz, hitzordua ekainera atzeratu da; izan ere, sistema horrek ez zuen segurtasuna bermatzen, ibilgailuen eta pertsonen kontzentrazio handia aurreikusten baitzen. Oraingo honetan, 09:00etan zeuden deituta guztiak, bai Pobesen, bai Subijanan, eta, ondorioz, 200 eta 300 ibilgailu artean pilatu behar ziren ordu berean. Horregatik, hitzordu berriari begira, EH Bilduk aukerak zabaltzeko eskatu du. Nekazaritzako, basogintzako, erruetako edo beldarretako traktoreek, uzta biltzeko makinek, sasiak garbitzeko makinek, motokultoreek, segagailuek eta palek IAT pasatzen dute landa-guneetatik mugitzen diren estazio mugikorretan. Horregatik, sistema horrek ezinezko egingo luke pertsona batek IAT nekazaritzako ibilgailu bati baino gehiagori pasatzea.

 

ALBISTEAK

EH Bilduk osasun publikoa lehenestea eskatu du

2020-07-07 11:10:00

Mikel Otero: "Igande honetan, EH Bilduren bozkaz bete behar dira hautesontziak, Voxi esateko frankismoak ez duela lekurik herrialde honetan. Duintasun demokratikoa dugula. Uztailaren 12an, boto antifaxista, EH Bilduren botoa izango da"

EH Bildu-k Foru Aldundiari eskatu dio malgutu ditzala FOFELen murrizketaren ondorioz, diru-bilketaren beherakadak eragindako soberako kobrantzak itzultzeko toki-erakundeei ezarritako baldintzak

2020-07-07 09:16:00

Javier Argote: "Ramiro Gonzalezen gobernuak toki-erakundeei atzeratzeko eta zatikatzeko formulak ahalbidetu behar dizkie, FOFEL bidez kobratzen duten dirua itzultzeko, krisitik ateratzeko baliabideak hobeto kudeatu ahal izateko"

Mikel Otero: "Aldaketa ezkerretik etorri behar da, jasangarritasunean eta justizia sozialean oinarrituta, eta hori bermatzen duen indar bakarra EH Bildu da"

2020-07-04 12:00:00

EH Bilduk konpromisoa agertu du kalitatezko enpleguarekin, gure adinekoentzako pentsio duinaren alde, gure zerbitzu publikoak berreskuratu eta prestigiatzeko, eta larrialdi klimatikoaren erronkari erantzun bat emateko.

EH Bilduk egoitza publiko eta txikien eredua eta langileen lan baldintza duinak aldarrikatu ditu

2020-07-03 10:51:00

Mikel Otero: "Etorkizun hobe bati ateak irekitzeko, faxismoa behin betiko baztertzeko, XXI. mendeko erronka handiei aurre egiteko, ingurumen politika eraldatzailea garatzeko, ezkerreko botoa, boto ekologista, boto feminista, langileen botoa, boto eraldatzailea EH Bildun batu behar da"