Nafarroa

Ekialdeko Pirinioetako Ponentzia Parlamentarioaren txostenak esandakoa betetzen den kontrolatzeko Batzorde Berezia sortzeko eskatu du EH Bilduk

| 2019-09-28 13:12:00

EH Bildu Nafarroa Talde Parlamentarioak Batzorde Berezi bat sortzeko eskaera erregistratu du, pasa den legengintzaldian izandako Ekialdeko Pirinioetako Ponentzia Parlamentarioak burutu zuen txostenean jasotakoa betetzen dela jarraitu eta kontrolatzeko helburuarekin.

 

Aipatutako Ponentziak 2017ko ekainean osatu egin zen talde guztien ekimenez, eta helburua nagusia Nafarroako Ekialdeko Pirinioetako ibarren egoera sozioekonomikoa aztertzea izan zen. Zentzu horretan, Ponentziaren azken txostenak adierazten zuenez, Nafarroako Parlamentua Ponentziaren analisiarekin eta diagnostikoarekin bat etortzen da, bereziki Ekialdeko Pirinioetako egoera larria eta desberdina dela eta berariazko politikak behar dituela. Era berean, txostenaren arabera, Nafarroako Parlamentuak konpromisoa hartzen du txostenak jasotako gomendioen inguruan Nafarroako Gobernuak egiten duen burutzearen jarraipena egiteko.

 

Horrela, analisia eta ondorengo diagnosia gauzatuta, EH Bildu Nafarroak uste du premiazkoa dela hitzetatik ekintzetara pasatzea, eta Ekialdeko Pirinioei dagokienez hartutako konpromisoak abian jartzea. Horregatik, EH Bilduk Ekialdeko Piririoetako Ponentzia Parlamentarioak egindako Txostena eta 2018ko azaroaren 8an Parlamentuko Osoko Bilkuran onartutako Ebazpena betetzen diren jarraitu eta kontrolatzeko Batzorde Berezi bat sortzeko eskatu du.

Nafarroako Gobernua, Geoalcali eta Magna empresen arteko kolaborazioaren aurrekontua eta kanpaina justifikatzen duten ingurugiro-jasangarritasun txostenak eskatzen ditu EH Bilduk

| 2019-09-20 12:08:00

EH Bilduk kritikatzen du Nafarroako Gobernuaren aldeko jarrera ingurugiro inpaktu nabarmena duten bi meatze-proiektuekiko.

Prentsaren bidez jakin izan genuen Nafarroako Gobernua eta Geoalcali eta Magna enpresak elkarrekin lan egingo zutela “meatzaritzaren irudia hobetzeko”, eta, horrela, elkarrekin antolatu dituztela ‘MinerÉTICA 2019’ jardunaldiak.

Zentzu horretan, EH Bilduk jakin nahi du Nafarroako Gobernua eta bi enpresa horien arteko elkarlanaren markoa, kolaboratzaileen artean izandako bilera kopurua bai eta bakoitzaren gai-ordena ere, elkarlanaren eta jardunaldien aurrekontua eta zer beste industria-jardueraren eremutan uste duen Nafarroako Gobernuak beharrezkoa dela “irudia hobetzea”. Halaber, EH Bilduk kanpaina hori justifikatzen duten txostenak ezagutzea eskatzen du, ingurugiro jasangarritasuna, ekonomikoa eta sozialari dagozkionak. Horrela, EH Bildu Nafarroa Talde Parlamentarioak idatzizko galdera erregistratu du aipatutako gaien erantzunak eskatuz.

ALBISTEAK