AKTUALITATEA

Atzo egindako osoko bilkuran, 2025ean aplika- tzen hasiko diren ordenantza fiskalak onartu ziren, EH Bilduren kontrako botoarekin. Ordenantza horiek zergadun bakoitzak ordaindu beharko di- tuen zergak, tasak eta prezio publikoak arautuko dituzte, eta hurrengo lau urteetan urtean % 2ko igoera izango dute. Hori guztia, iazko % 5eko igoe- ra izan zela kontuan hartuta.

Ildo horretan, EH Bilduk deitoratu egin du gobernu taldeak izan duen «ne- goziatzeko borondate eza». EH Bilduren arabera, «gobernu taldeak hasie- rako proposamen bat aurkeztu zion EH Bilduri, talde politiko horren ekar- penak bildu eta negoziazio mahai batean eztabaidatzeko aitzakiarekin. Negoziazio hori ez da inoiz egin, hasiera-hasieratik ezezko batekin eran- tzun baitzitzaien EH Bilduk planteatutako ekarpen guztiei, negoziatzeko borondate eza argi utziz».

Amurrioko EH Bilduk fiskalitate bidezkoago baten aldeko apustua berretsi du: «Aurkeztu dugun proposamen bakoitzaren abiapuntua da fiskalitate sistema batek diru gehiago biltzeko gaitasuna izan beharko lukeela, gehien duenak gehiago ordainduta, eta gaitasun ekonomiko gutxien du- ten bizilagunen egoera arintzen lagundu beharko lukeela. Izan ere, hori baita gakoa: diru-bilketa bidezkoagoa den modu batean banatuko dela bermatzea».

«Kontua ez da igoera baten aurka gaudela, baizik eta deitoratzen dugula berriz ere amurriotar batzuei modu justuagoan erantzuteko aukera zora- garri bat galdu dugulako», adierazi dute EH Bildutik.

Fiskalitate bidezkoagoa

EH Bilduk proposatutako aldaketei dagokienez, batetik, ez zuten komeni- garritzat jotzen ordenantzak hurrengo lau urteetarako konprometitzea. EH Bilduren ustez, egokiena urteko muga bat ezartzea litzateke; izan ere, ho- rrela, ordenantzak aldi baterako doitzen joan litezke, faktore zehatzagoak kontuan hartuta; izan ere, grabatzen edo hobariak ematen dituzten zergei buruzko alderdiak ez dira estankoak denboran zehar.

Aurkeztu zuten bigarren proposamena hobariak jasotzeko eskubidea ema- ten duten errenta-tarteen muga ekonomikoak eguneratzearekin lotuta dago. Hobariak jasotzeko eskubidea ematen duten diru-sarreren mugak igotzea eskatzen zuten. Amurrion, gehienez 35.862,60 euroko errenta du- ten familia-unitateek jaso ahal izango dituzte hobariak, eta gertu dauden eskualdeko herrietan, berriz, hobaridun errentaren muga 40.000 euro bai- no handiagoa da. «Ez zaigu bidezkoa iruditzen diru-bilketaren zatia soilik igotzea, hobari-sistema bidezkoago eta progresiboago bat lortzeko auke- rak handitzen ez badira», zehaztu du EH Bilduk.

Bestalde, Amurrioko etxebizitzaren arazoa arintzen saiatzeko, gero eta agerikoagoa eta kezkagarriagoa baita, proposatzen zuten, alde batetik, Bizigune bezalako alokairu publikoko programa baten parte izan gabe bal- dintza sozial batzuk betetzen zituzten alokairuei ere hobariak ematea.

«Azpimarratu behar da alokairu mota horiek direla Amurrioko alokairuen artean ohikoenak, eta ez Eusko Jaurlaritzaren programa ofizialei lotuta- koak», azpimarratu du EH Bilduk.

Bestalde, aspalditik defendatzen zuten neurri bat proposatu zuen EH Bil- duk: hutsik dauden etxebizitzak zergapetzea. Amurrion 547 etxebizitza daude hutsik. Hala, errekargu bat eskatu zuten, eta ziur daude horrek etxebizitza merkatura ateratzeko prozesua bizkortuko zuela. «Etxebizitza- ren arloan, gure planteamendua argia da: hutsik dagoen etxebizitza zer- gapetzea, alokairu-merkatura ateratzen diren etxebizitza guztiak hobari- tzea defendatzen dugun neurri berean».

Azkenik, Zergei buruzko Foru Arauak ezartzen dituen hobariak ere aplika- tu nahi zituzten, Jarduera Ekonomikoei buruzko Ordenantzan (JEZ) sartze- ko. Izan ere, Amurrion ekintzaile izan nahi duen edonork «ez du inolako hobaririk jasoko kontratu mugagabeak egiteagatik, plaka fotovoltaikoak jartzeagatik edo ekonomia zirkularra sustatzeagatik», EH Bilduren arabe- ra.