AKTUALITATEA

EH Bilduk, Ahal Dugu-Podemos, Ezker Anitza eta Equo-Berdeak-ekin batera, ekitaldi politiko bat antolatu du Azazetako sarraskiaren 84. urteurrenean

| 2021-03-25 09:33:00

EH Bilduk, Ahal Dugu-Podemosek, Ezker Anitzak eta Equo-Berdeak-ek egia, justizia eta erreparazioa aldarrikatuko dute errepresio frankistaren biktima guztientzako, Azazetako sarraskiaren 84. urteurrenean. Ekitaldi politiko batean egingo dute, martxoaren 31n, 12:00etan, Santa Barbara plazan. Hain zuzen ere, duela 84 urte, 16 preso askatu ziren Bakearen kartzelan. Ondoren, erdi lotuta eta zain zituzten bi kamioetan Azazetako portura eraman zituzten.

Han hil egin eta lurperatu zituzten. Exekuzio sumarioak Mola jeneralak antolatu zituen, izua sortu nahian. Euskal Herrian 1936tik 1939ra bitartean gertatutako esanahi politiko handieneko hilketa izan zen hura. Horien artean zegoen Teodoro González de Zarate, Gasteizko alkatea, “Izquierda Republika”n afiliatua, hauteskundeak bigarren itzulian irabazi zituena. Beraz, herriaren borondatearen aurkako erasoa izan zen.

Orain, 84 urte geroago, lau talde politikoek balioan jarri nahi dute desberdinen arteko batasuna eta 16 pertsona horiek eta beste milaka batzuk errepresioa jasatera eraman zituzten balio errepublikanoak, besteak beste, heriotza, kartzela, kontzentrazio esparruak edo isunak.

Iragana ezagutzen ez duten herri guztiek errepikatzera kondenatuta daude, eta horregatik eskatzen dute egia argitzeko, errudunak epaitzeko eta biktima guztiak onartzeko, salbuespenik gabe.