AKTUALITATEA

EH Bildu Amurriok espazio publikoa birbanatzearen alde egin du, merkataritza- eta ostalaritza-jardueraren eta herritarren mugikortasun aktiboaren alde

| 2020-05-11 10:00:00

COVID 19ren krisiak hiria behar bezala diseinatzearen garrantzia agerian utzi du. Deseskaladaren fase berriekin, eta distantzia sozialari eusteko beharrarekin, espazio publikoa inoiz baino garrantzitsuagoa bihurtzen da.

Horregatik, EH Bilduk, Amurrioko Udalak kasuz kasu azterketa bat egin dezala eskatu du. “Saltoki txikiei eta ostalaritzari nola lagun dakiekeen ikusteko, gaur egun autoak aparkatzeko erreserbatuta dagoen espazio publikoa "lagaz" eta, adibidez, terraza bihurtuz. Beste neurri bat erdiguneko eta jarduera ekonomikoari dagokionez balio handiko kaleak oinezko bihurtzea izango litzateke, eta, jakina, merkatari eta ostalariek zein udal talde teknikoek proposatzen dituzten beste neurri batzuk ere bai ", adierazi du Jon Berganzak.

Era berean, Amurrioko Udalak mugikortasun aktiboaren aldeko apustu irmoa egin behar du deseskaladako tresna nagusi gisa, eta arreta berezia jarri behar du bizikletan oinarritutako mugikortasunean.

Laburbilduz, "EH Bilduren Udal Taldeak gizarte-bizitza berria sustatzeko neurriak hartzea eskatzen du, eta, aldi berean, Amurrioko ostalaritza eta saltoki txikiak balioetsi eta babesten dira. Herritarren osasuna eta bizi-kalitatea hobetzeko asmo sendoa dugu, gaurko Amurrio biharko Amurrio bihurtzeko normaltasun berriak ematen digun aukera aprobetxatuz ", ziurtatu du Berganzak.