Ibon Fernandez Iradi Lannemezango espetxean aurkitzen den euskal preso politikoak COVID-19an positibo eman du eta uneotan bere ziegan isolatuta eta bakartuta aurkitzen dela jakitera eman da.
Fernandez Iradik gaixotasun larri bat du lehendik, uneotan COVID-aren sintomak izateaz gain, eta egoera honek bere osasun egoeran izan dezakeen eboluzioaz kezka agertzen dute EH Baik eta EH Bilduk.
Lasarteko preso politikoak lehendik duen gaixotasunagatik kalean behar luke aspaldi, artapen egoki bat jasotzeko. Ez da onargarria mota horretako gaitz bat duen pertsona bat kartzelan egotea eta horrela galdegin du, besteak beste, Gipuzkoako Batzar Nagusieetako Giza Eskubideen batzordeak ere, kontsentsu politiko zabala lortuz (EH Bildu, EAJ, PSE, Podemos eta EAJren babesarekin). Parisko Kasazio Auzitegiak berak ere zigorraren etena onartua du, apelazio auzitegiak eta Fiskaltzak oztopatu dutena.
Orain, etxean behar lukeen presoaren egoera larriki okertu den honetan, Frantziar gobernuari arduraz jokatzeko deia egiten diote EH Baik eta EH Bilduk eta berehala aske uztea galdatzen, Fernandez Iradik behar duen osasun arreta egokia jaso dezan. Fernandez Iradik eta gaixotasun larriak dituzten gainerako presoek kalean egon behar dute, are gehiago pandemia honen erdian, koronabirusaren eragina arriskutsua baita pertsona hauentzat.
Azkenik, Fernandezen Iradiren kaleratzea aldarrikatzeko mobilizazioetara batzeko deia egiten dute EH Baik eta EH Bilduk.
Haurrak ere indarkeria matxistaren biktima zuzenak dira, gogorarazi du Oihana Etxebarrietak, eta legea egokitu beharra aldarrikatu du, haiek babesteko. Indarkeria matxista kasuetan seme-alabekin behin-behineko komunikatze debekuak ez dira %10era iristen, kritikatu du.
1996ko Eskubide Sozialen Europako Karta berresteko asmoz, Mertxe Aizpurua bozeramaileak aurkeztutako Legez besteko Proposamena onartu du Kongresuak, gehiengoz, Europako gainontzeko Estatuekiko eskubide sozialak "desabantaila eta desberdintasun agerikoan" daudela iritzita: "24 urte daramatza Espainiako Estatuak egoera hau konpondu gabe". Ez da batere eredugarria".