EH Bilduk elkartasuna adierazi nahi dio saharar herriari une zail hauetan, Marokoko indar armatuek bi aldeek sinatutako su-eten akordioa hautsi dutenean.
Era berean, Fronte Polisario eta Saharako Errepublika Arabiar Demokratikoarekin konpromiso irmoa agertzen dugu, baita Marokok, saharar lurraldea legez kanpo okupatzearen aurkako jarrera.
Une honetan, funtsezkoa da nazioarteko komunitatearen babesa eta laguntza adieraztea. Saharra Hurra!
Haurrak ere indarkeria matxistaren biktima zuzenak dira, gogorarazi du Oihana Etxebarrietak, eta legea egokitu beharra aldarrikatu du, haiek babesteko. Indarkeria matxista kasuetan seme-alabekin behin-behineko komunikatze debekuak ez dira %10era iristen, kritikatu du.
1996ko Eskubide Sozialen Europako Karta berresteko asmoz, Mertxe Aizpurua bozeramaileak aurkeztutako Legez besteko Proposamena onartu du Kongresuak, gehiengoz, Europako gainontzeko Estatuekiko eskubide sozialak "desabantaila eta desberdintasun agerikoan" daudela iritzita: "24 urte daramatza Espainiako Estatuak egoera hau konpondu gabe". Ez da batere eredugarria".