Araba

EH Bildu-k Aldundiak prestazio eta zerbitzuen zorroaren maparen eskumenak bere gain har ditzala eskatu du

Claudia Venceslao: "Bada garaia Gizarte Zerbitzuak serio hartzeko eta inor atzean geratu ez dela bermatzeko" | Rocio Vitero: "Gure legeak aplikatzea eta gauzatzea beharrezkoa da aurrera egiten jarraitzeko"

| 2020-03-12 11:16:00

Gasteizko eta Arabako EH Bilduk agerraldia egin dute elkarrekin, aldundiari prestazio eta zerbitzuen zorroaren maparen eskumenak bere gain har ditzan eskatzeko.

Rocio Viterok salatu du EAJk eta PSEk bost urte daramatzatela zaintza den balio publikoa urratzen. Zinegotziak deitoratu du azken urteotan ikusten ari direla gizarte zerbitzuek ez dietela pertsonen beharrei erantzuten, eta duela urte batzuk aitzindaria eta berritzailea izan zen sistema bat jada ez dela hala, udal eta foru gobernuen apustu hutsagatik.

Zentzu horretan, EH Bilduk gizarte zerbitzuen sistema berri baten aldeko apustua egiten du, baina horretarako beharrezkotzat jotzen du legeek eskatzen dutena finkatzea eta betetzea. "Gure legeak aplikatzea eta gauzatzea beharrezkoa da aurrera egiten jarraitzeko", adierazi du Rocio Vitero zinegotziak. Horretarako, EH Bilduk mozio bat erregistratu du ostegun honetan, bai Udalean, baita Batzar Nagusietan ere, Zorroari buruzko Dekretua bete dadin eta Gizarte Zerbitzuetarako sarbidea bermatu dadin eskatzeko.

Gainera, Gasteizko Udalak gizarte-zerbitzuen estaldurari dagokionez duen izaera subsidiarioa ezagututa, EH Bildu-k beharrezkotzat jo du Gizarte Ongizaterako Foru Erakundeari eskaera bat egitea gaur egun bere gain hartzen ez dituen eskumenak bere gain hartzeko.

"Arabako Gizarte Zerbitzuek ezin dute gehiago itxaron"

Claudia Venceslao batzarkideak gogorarazi duenez, 2015ean lankidetzarako esparru-hitzarmen bat sinatu zen Udalaren eta Aldundiaren artean, lankidetza-hitzarmen horren bi berritzerekin. Aurtengo abenduaren 31n akordio hau amaituko da.

Horregatik, Venceslaok salatu du Foru Aldundiak denbora nahikoa izan duela urteotan bere eskumenak bere gain hartzeko eta 2008an onartutako Gizarte Zerbitzuen Kartera eta Mapa martxan jartzeko. Hori dela eta, Gizarte Zerbitzuen Foru Departamentuak araudi hori bete eta bere erantzukizuna bere gain har dezala exijitu du.

Amaitzeko, Venceslaok esparru hitzarmen horren berritzerik ez egotea exijitu du: "Aldundiak ez ditu bere gain hartu 2017an martxan jartzea edo zabaltzea helburu zuten zenbait baliabide. Gizarte Zerbitzuak serio hartzeko eta inor ez dela atzean geratuko bermatzeko garaia iritsi da".

 

Eliza OHZ ordaintzetik salbuesten duen foru araua aldatzeko eskatu du EH Bilduk

Euskal Herria Bilduk Gasteizko Udalari eta Arabako Foru Aldundiari eskatu die beharrezko neurriak har ditzatela Eliza Ondasun Higiezinen gaineko Zerga ordaintzen has dadin, Europako beste herrialde batzuetan egiten den bezala

| 2020-03-10 11:58:00

EH Bilduren udal eta foru taldeek agerraldia egin dute astearte goizean, Ondasun Higiezinen gaineko Zergari buruzko araua alda dadin eskatzeko eta horrela Eliza Katolikoak zerga ordaindu dezan eta pribilegio fiskalak izateari utz diezaion.

Rocio Vitero EH Bilduko zinegotziak OHZren 42/1989 Foru Araua aldatzeko eskatu du, "EH Bilduren eskaera historikoa da, Elizak OHZ ordaindu ahal izatea ahalbidetuko duen aldaketa batean oinarritzen da eta gurtzarako ez diren espazio guztietan aplikatuko lirateke".

Viterok "neutraltasuna" eskatu die botere publikoei, eta berretsi du badela garaia Espainiako Estatuaren eta Egoitza Santuaren arteko 1879ko urtarrileko akordioaren ondorioz sortutako araudia behingoz iraultzeko. Izan ere, akordio horrek ondasun guztiak OHZ ordaintzetik salbuetsi zuen Eliza.

Horregatik, Viterok fiskalitate bidezkoago baterantz aurrera egitea eskatzen du. Gogoratu duenez, Carmen Calvo espainiar estatuko presidenteordeak ziurtzat jo zuen otsailean Eliza OHZ ordaintzen hasiko zela, izan ere, Bartzelona, Leon eta Valentzia dagoeneko aplikatzen ari dira. Frantzia edo Italia bezalako Europako herrialdeetan ere hartu da neurri hori, eta, are gehiago, Erroman Vatikanoak berak ia 10 milioi euro ematen ditu.

Amaitzeko, Nerea Martinez EH Bilduko prokuradoreak iragarri du batzarkide taldeak dagoeneko erregistratu duela Ondasun Higiezinen gaineko Zergari buruzko foru araua aldatzeko proposamena. Salbuespen hori kulturako ondasun higiezinetan bakarrik izango da, besteak beste, tenpluetan, gurtzarako kaperetan edo kleroa osatzeko mintegietan.

Martinezek azpimarratu duenez, "beharrezkoa eta funtsezkoa" da pribilegio fiskal horiekin amaitzea. Ezinbestekotzat jotzen du ere, OHZ arautzen duen araudiaren egoera fiskalaren berrikuspena egitea, horrela argituz Eliza katolikoaren zein ondasunek egon behar duten zerga hori ordaintzetik salbuetsita eta zeintzuk ez.

"EH Bilduren ustez, Eliza katolikoaren pribilegio fiskal eta ekonomikoekin amaitu behar da, eta horrela babesten du EBJAk 2017ko ekainaren 27ko epaian; epai horren arabera, Eliza behartuta dago jarduera ekonomikoetako zergak ordaintzera merkatuan beste operadore bat bezala jarduten dutenean. Hau da, titular diren eta gurtzarako ez diren ondasun guztiengatik tributatu behar dute. Bestela, salbuespenak Estatuaren legez kanpoko laguntzak izango lirateke eta lehia desleialaren kasu argia izango lirateke ", gaineratu du Martinezek.

ALBISTEAK

EH Bilduk egoitza publiko eta txikien eredua eta langileen lan baldintza duinak aldarrikatu ditu

2020-07-03 10:51:00

Mikel Otero: "Etorkizun hobe bati ateak irekitzeko, faxismoa behin betiko baztertzeko, XXI. mendeko erronka handiei aurre egiteko, ingurumen politika eraldatzailea garatzeko, ezkerreko botoa, boto ekologista, boto feminista, langileen botoa, boto eraldatzailea EH Bildun batu behar da"

Mikel Otero: “Uztailaren 12an boto jasangarri eraginkor bakarra EH Bildurena da”

2020-07-02 10:56:00

EH Bilduko Arabako zerrendaburuak gaur arratsaldean Salburuan aldarrikatuko du EH Bildu dela ezkerreko alternatiba sinesgarri baten buru izateko gai den indar bakarra, pertsonak politiken erdigunean jartzeko proposamen zehatzak dituena.

Gasteiz eta Araba automobilgintzaren sektorearen birmoldaketaren aitzindari izatea nahi du EH Bilduk

2020-07-01 11:36:00

Gaur arratsaldean, Gasteizen, Mikel Otero Arabako hautagaiak "Euskadi ZERO KARBONO 2040" ekimena aurkeztuko du, datorren legegintzaldirako 800 milioi euroko inbertsioa jasotzen duen klimarekiko konpromisoa eta 2030erako CO2 isurketen % 50eko murrizketa.

Mikel Otero: “Egia, justizia eta erreparazioa biktima guztientzat. Denentzat. Hori da gure konpromisoa”

2020-06-30 10:31:00

Gaur arratsaldean, Bastidan, Mikel Otero Arabako hautagaiak azpimarratuko du, "EH Bildu hitzezkoa da, egiten duena esaten du eta esaten duena egiten du", eta, oraingoan, uztailaren 12ko hauteskundeetan eskuin muturra hutsean uzteko lanean jarraituko du.