EH Bilduk kezka adierazi du Ikerketan eta Garapenean egindako inbertsioa etengabe jaitsi delako Urkullu Lehendakaritzara helduz geroztik. “Industria politikak egungo beharrei erantzun behar die, baina Jaurlaritzak funtsean estrategia bera darabil 1980az geroztik”.

EH Bilduk Ikerketa, Garapen eta Berrikuntzaren (I+G-B) balio estrategikoa azpimarratu du gaur Legebiltzarrean eta ohartarazi du oso kezkagarria dela eremu horrek izan duen eboluzioa Urkullu Lehendakaritzara helduz geroztik. Eustaten datu ofizialak erabilita, Miren Larrionek salatu du I+G+B inbertsioa etengabe jaitsi dela Araban, Bizkaian eta Gipuzkoan 2012az geroztik, Barne Produktu Gordinaren %2,09 izatetik %1,82 izatera pasatu baita, zehazki. Azaldu duenez, Europar Batasuneko batez bestekotik (%2,03) eta 2020. urtean lortu beharreko helburutik (%3) urrundu eta Estatu espainoleko portzentajera (%1,19) hurbildu gara.

Aitortuta Ikerketa eta Garapenaren esparruko inbertsioa igotzea ez dagoela Jaurlaritzaren esku bakarrik, EH Bilduko legebiltzarkideak bai azpimarratu duela Urkullu Gobernuak eboluzio negatibo horretan duen ardura, “haren industria politikak ez dielako gaur egun dauden beharrei erantzuten”, guztiz zaharkiturik geratu delako. Izan ere, “programen izenak aldatu baditu ere, funtsean Jaurlaritzaren estrategia industriala berdin-berdina da 1980ko hamarkadaz geroztik”.

@ehbildu_legebil

Indarkeria matxistak hil egiten du

Indarkeria matxistak hil egiten du. Beste behin egiaztatu ahal izan dugu. Bikotekideak etxeari su eman ostean zaurituta zegoen Iruñeko emakumea hil egin da. Gure elkartasunik zintzoena senitartekoei eta hurbileko pertsonei.

Indarkeria matxista lehen mailako arazoa da. Ez gaude onartzeko prest eta ezin gara geldirik geratu. Emakumeen erailketak izebergaren punta badira ere, indarkeria matxista emakumeen eguneroko ogia da, gehienetan ezkutuan geratzen dena. Feminismoak irakatsi zigun pertsonala politikoa dela eta, horrenbestez, ez dela esparru pribatuari dagokion arazoa. Arazo kolektiboa da eta guztion ardura da indarkeria matxistari aurre egitea. EH Bilduk bat egiten du udalak eta mugimendu feministak deitutako salaketa mobilizazioekin.