2015ko udal eta foru hauteskundeak prestatzeko lanetan hasi gara eta gaur mintegiak egin ditugu herrialde guztietan. Mintegi hauetan programa osatzeko "Puntuz puntu" izena duen prozesua eztabaidatu dugu. Helburua herritar eta talde ezberdinekin herri bakoitzan dagoen beharrak aztertu eta proposamenak paperaren gainean jartzea da, loteslea izango den programa bat osatuz.

Guzti honetarako orrialde honetan bertan aurki dezakezuen "Ideien gida" egin dugu. Bertan agertzen dira 30tik gora gaietan ditugun oinarri ideologikoak eta proposatzen diren hainbat neurri zehatz. Horiek oinarri gisa har daitezke programa osatzen joateko, eta egin daitezkeen ehunka ideia jasotzen dira bertan.

Hemen erakusten duguna herrietan egindako proiektuak dira, txiki zein handi, gobernuan egon edo oposizioan. Aukeraketa bat da, denborarekin hazi eta osatuko duguna. Lortzen hari garena erakutsi nahi dugu: Euskal Herria morea, gorria eta berdea lortzeko helburua duten proiektuekin, baina baita ere kolore aniztasuna bultzatu eta gardentasuna helburu duten proiektuekin osatu dugu webgune hau.

Puntuz puntu programa osatzeko fasean hasi gara herri eta herrialdetan. Lan hau zurekin batera egin nahi dugu, zure ekarpenak jasoz, zure prioritateak ezagutuz. Horrela bi epe irekiko ditugu.

Lehenengoa urtarrilan zehar hedatuko da eta proposamenak jasotzeko epea izango da. Herrialde bakoitzeko programa eraikitzen hasiko gara. Horretarako hemen dituzu gure oinarri ideologikoak.

Bigarren fasea otsailetik aurera irekiko da eta zuek proposatutako puntu guztiak bozkatzeko aukera egongo da, zuk erabakitzeko duzulako zer den arlo bakoitzean egin beharreko proiekturik garrantzitsuena.

Nola parte hartu?

1 Eragile baten izenean honako formularioa betez

2 Ekarpen pertsonalak egiteko bi bide dituzu: Azpian dituzuen ehbilgunetan parte hartuz...

3 ...edo Internet bidez:

Gaur arratsaldeko kanpaina ekitaldian Gipuzkoako Tolosa herrian izan gara. Hasier Arraiz, Xabier Olano Gipuzkoako hautagaiak eta Ibai Iriarte Tolosako alkate eta alkategaiak hitz egin dute.

EH Bilduren botoa gaur egun Euskal Herri osoan Erabakitzeko Eskubidea gauzatzeko berme bakarra dela esan du Arraizek, Euskal Herrian aldaketa politikoak izen horixe daukalako: Erabakitzeko Eskubidea.



NAFARROA

Adolfo Araiz: "EH Bildu Nafarroako gizarteak eskatzen duen aldaketa sakonaren bermea da, makillajerik gabe, erdibideko aldaketarik gabe!"

Larunbata honetan EH Bilduk Nafarroaren ekitaldi nagusia egin dugu Iruñeko Anaitasunan. Ekitaldiak hiru hitzartze ezberdin, bideo batzuk eta antzerki zati bat izan ditu. Ekitaldia hastkeo hainbat gaztek pantaila ikustea ekiditen zuen leiho handi bat ireki dute, bertan Nafarroako egoeraren inguruko bideo bat ikusten zelarik. Honen ostean Garazi Labianok esan du "Leihoak irekitzeko ordua" dela, "Nafarroari kiratsa dariolako, itxiaren kiratsa ustelkeriaren kiratsa". Egoeraren inguruko hitzartzea bukatu ostean nafarroako hainbat gaztek egindako lightpainting bidearen lehen ikustaldi publikoa egin da.

Ondoren udal hauteskundetarako zerrendaburuak igo dira eskenatokira. Astrainen valsaren doinuarekin batera igo eta gero Iruñeko alkategaia den Joseba Asironek hitz egin du: "Mayari esaten diogu Iruñea ez dela bere kortijoa, bera ez dela nor hau edo beste baimentzeko. Hiritarrak baitira hiri hau nork gobernatuko duen erabakiko dutenak eta hiritarrek argi dute: Erregimenaren aroa bukatu da! Maiatzaren 24ean lortuko dugu!"

Bideo batzuk gehiago ikusi ostean, eta alfonbren azpian izkutatzen duten guztia erakusten zuen antzerki baten ostean Adolfo Araizen txanda izan da. Nafarroako beste hautagai batzuen laguntzarekin esan du "EH Bildu Nafarroako gizarteak eskatzen duen aldaketa sakonaren bermea" dela, "makillajerik gabe, erdibideko aldaketarik gabe". Hainbatetan "UPN kanpora!" oihuekin etena izan den diskurtso batean Araizek honela jarraitu du: "Hiritarrok dugu hitza, gizarteak du erabakia! Aldaketaren Gobernuak ezingo da, erregimenak egin duen bezala, gizarteari bizkarra ematen aritu! Uneoro eman beharko ditu erantzunak, azalpenak gizartearen aurrean. Zentsura mozio herritarra proposatzen du EH Bilduk, herriak gobernuak erabakitzen baditu... honek ez badu esandakoa betetzen... herriak gobernu aldaketa lortu ahal izateko." Gehiago irakurri

BIZKAIA

Bilboko Areatzan ospatu dugu Bizkaiko kanpainaren ekitaldi nagusia. Areatza oso leku berezia da EH Bildurentzat, orain 4 urte hor bertan izan baikenuen Bilduren legeztapenaren berri. Duela lau urte ehundaka pertsonek bete genuen Areatza ilusio, indar, eta pozez. Gaur erakutsi dugu lau urte hauetan ez dugula poz eta indar hura galdu, alderantziz, herriz herri gorpuzten joan den ilusioa nabaria dela Bizkaian.



Oskar Matute izan da hitz egiten lehena. Aste honetan atxilotutako gazteetaz oroitzen ekin dio Matutek hitzartzeari. EH Bildu, gehiengo sozialen interesak eta eskubideak babesten dituen indarra dela azpimarratu du Matutek, eta jendeak hori badakiela, "Haien artean egon garelako denbora guzti honetan: etxegabetzeak geldiarazteko, lan eskubideak aldarrikatzeko, emakumeek beren gorputzaren jabe direla oihukatzeko eta pertsona guztion eskubide guztiak exijitzeko." Honi buruz gehiago irakurtzeko, hemen duzu ekitaldiari buruz idatzi dugun kronika.