Zer egingo dugu Bilbon abenduaren 6ko manifestazioan? Ba mobilizatzeaz gain mosaiko berritzaile bat eratuko dugu oinetako kordoiekin. Milaka kordoi banatuko ditugu manifestazioan zehar eta bukaerara iristerakoan malla bat egongo da zuenak lotzeko. Guztion artean "Bildu independentziara" leloa osatuko dugu. Hemen azalpen bideo bat.

Posted by Euskal Herria Bildu on Ostirala, 2015.eko Azaroak 27

#bilduindependentziara

Indarkeria matxistak hil egiten du

Indarkeria matxistak hil egiten du. Beste behin egiaztatu ahal izan dugu. Gaur Gasteizen erail dituzten bi emakumeak ditugu gogoan; haietako baten bikotekide ohiak hil ditu. Gure elkartasunik zintzoena senitartekoei eta hurbileko pertsonei.

Indarkeria matxista lehen mailako arazoa da. Ez gaude onartzeko prest eta ezin gara geldirik geratu. Emakumeen erailketak izebergaren punta badira ere, indarkeria matxista emakumeen eguneroko ogia da, gehienetan ezkutuan geratzen dena. Feminismoak irakatsi zigun pertsonala politikoa dela eta, horrenbestez, ez dela esparru pribatuari dagokion arazoa. Arazo kolektiboa da eta guztion ardura da indarkeria matxistari aurre egitea. EH Bilduk bat egiten du mugimendu feministak deitutako salaketa mobilizazioekin.