Ingurugiroari lotuta lanean eta borrokan ari diren hainbat eragiletako kideekin bildu da Josu Juaristi Gasteizen. Hauen kezkak eta ekarpenak entzun ondoren, EH Bilduk lan guzti hori Europara eramateko konpromisoa duela berretsi du Juaristik.



Zaragozan egindako ekitaldi politiko batean, euskal diputatuak esan du "Herriek erabakitzen dute" koalizioak espainiar estatuko zein Europa osoko herrien erabakitze eskubidea aldarrikatzea duela helburu.

"Gure herriek burujabe izateko eskubidea dute, autodeterminazio eskubidea dute, eta baita independentzia eskubidea ere" esan du Puyalon de Cuchas alderdiak Zaragozan antolaturiko ekitaldi batean.



Indarkeria matxistak hil egiten du

Indarkeria matxistak hil egiten du. Beste behin egiaztatu ahal izan dugu. Gaur Gasteizen erail dituzten bi emakumeak ditugu gogoan; haietako baten bikotekide ohiak hil ditu. Gure elkartasunik zintzoena senitartekoei eta hurbileko pertsonei.

Indarkeria matxista lehen mailako arazoa da. Ez gaude onartzeko prest eta ezin gara geldirik geratu. Emakumeen erailketak izebergaren punta badira ere, indarkeria matxista emakumeen eguneroko ogia da, gehienetan ezkutuan geratzen dena. Feminismoak irakatsi zigun pertsonala politikoa dela eta, horrenbestez, ez dela esparru pribatuari dagokion arazoa. Arazo kolektiboa da eta guztion ardura da indarkeria matxistari aurre egitea. EH Bilduk bat egiten du mugimendu feministak deitutako salaketa mobilizazioekin.