SAKONEAN
Araba, Bizkaia eta Gipuzkoako Etxebizitza Legea

 

Urte luzetan etxebizitza, oinarrizko ondare gisa hartu ordez, ondare espekulatibotzat hartu da eta, ondorioz, askorentzat ezinezkoa bilakatu da etxebizitza bat eskuratzea, ez salmentan, ez eta alokairuan ere, eta milaka familia kale gorrian geratu dira. Lehentasuna ez da izan herritarren beharrak asetzea, interes espekulatiboak babestea baizik, eta bada garaia pertsona orok etxe duin eta egokia izateko duen eskubidea lehenesteko.

 

Bide horretan, udalek dituzten mugak ezagututa, Lakuako Gobernuari dagokio lidergoa hartzea. Etxebizitza Legeak horregatik aurreikusten du Jaurlaritzaren aldetik kontrol publikoa izango duen erakunde publiko baten osatzea, okerrak zuzentzeko bitartekoak jar ditzan, dena merkatuaren esku utzi gabe.

 

Gasteizko Legebiltzarrean onartuko den lege honek ez ditu EH Bilduk dituen helburu guztiak asetzen, baina norabide onean emandako urratsa da eta, finean, etxebizitza eskubidea bermatzeko norabidean proposatu ditugun hainbat atal barnebiltzen ditu. Hemen duzue informazio guztia:

 

 

Elkarrizketa

 

 

Indarkeria matxistak hil egiten du

Indarkeria matxistak hil egiten du. Beste behin egiaztatu ahal izan dugu. Gaur Gasteizen erail dituzten bi emakumeak ditugu gogoan; haietako baten bikotekide ohiak hil ditu. Gure elkartasunik zintzoena senitartekoei eta hurbileko pertsonei.

Indarkeria matxista lehen mailako arazoa da. Ez gaude onartzeko prest eta ezin gara geldirik geratu. Emakumeen erailketak izebergaren punta badira ere, indarkeria matxista emakumeen eguneroko ogia da, gehienetan ezkutuan geratzen dena. Feminismoak irakatsi zigun pertsonala politikoa dela eta, horrenbestez, ez dela esparru pribatuari dagokion arazoa. Arazo kolektiboa da eta guztion ardura da indarkeria matxistari aurre egitea. EH Bilduk bat egiten du mugimendu feministak deitutako salaketa mobilizazioekin.