Gaur arratsaldean Donostiako Aquariumean egin dugun ekitaldian Gipuzkoako Diputatu Nagusirako hautagaia aurkeztu dugu: Xabier Olano Jauregi.



Hona hemen gure hautagaiari buruzko informazio gehiago:

Duela 55 urte Altzon (Gipuzkoa) jaioa. Egun ere bertan bizi da.

Enpresa zientzietan lizentziatua (ESTE) Deustuko Unibertsitatean (1.982). Ogasun eta Finantza publikoetan Espezialista.

Hiruerrieta (Gipuzkoako) Udalean Idazkari Kontu-hartzailea izan zen 1982tik 1989ra. Usurbilgo Udaleko Idazkaria 1989tik 1992ra eta udal bereko Kontu- hartzailea 1992tik 2011ra.

Altzoko Alkatea izan zen 1987tik 1991ra. Gipuzkoako Batzar Nagusietan Batzarkidea, 3 legealdiz (Herri Batasuna-ko batzarkidea 91-95 eta 95-99 legealdietan eta Euskal Herritarrok-en batzarkidea 99-03 legealdian).

Gipuzkoako Foru Aldundiko Ogasun Zuzendaria 2011ko uztailetik aurrera.

Indarkeria matxistak hil egiten du

Indarkeria matxistak hil egiten du. Beste behin egiaztatu ahal izan dugu. Bikotekideak etxeari su eman ostean zaurituta zegoen Iruñeko emakumea hil egin da. Gure elkartasunik zintzoena senitartekoei eta hurbileko pertsonei.

Indarkeria matxista lehen mailako arazoa da. Ez gaude onartzeko prest eta ezin gara geldirik geratu. Emakumeen erailketak izebergaren punta badira ere, indarkeria matxista emakumeen eguneroko ogia da, gehienetan ezkutuan geratzen dena. Feminismoak irakatsi zigun pertsonala politikoa dela eta, horrenbestez, ez dela esparru pribatuari dagokion arazoa. Arazo kolektiboa da eta guztion ardura da indarkeria matxistari aurre egitea. EH Bilduk bat egiten du udalak eta mugimendu feministak deitutako salaketa mobilizazioekin.